Legend

Bangan Ken Gatan

KANKANA-EY

Wada kano si Kadum-ayan, anak na si Gumatan, baey da ed Guinsadan. Kanan Gumatan ken ama na ay umey ak et adi umila si asawa ek, kanan ama na “umey ka ngem ilan ta san is-iso tako ay kadangyan san inka anapen”. Nendad-an si Gumatan et dinmateng ed Salongdan (Kabugnay, Bila) et nadamag na ay wada si Bangan, et enmey baey da Bangan et dinatngan na adu-adu ay babalo sa nat ilan si Bangan ay salisaliten(napintas). Sa dat mangan isnan kag-aw et kanan Gumatan ken Bangan no layden na ay mangan ta ay duwa isnan nay ay platok sa et ilan Bangan si Gumatan ay agyo-agyod sat kanan Gumatan ken Bangan ay laydem sak-en ta men asawa ta. Nilayad met iman Bangan isu nga danet sumaa si Gumatan et inna inbaga ken ama na ay Kadum-ayan ay menkasar da ay duwa.

Imbagan ama na ay imbag no is-isu tako ay kadangyan da Bangan, isu nga enmey na indundon si Bentawan ta umey ken Madil-awan ay aman Bangan ta idrawing na kalawan di payew da hat isurat Madil-awan han payew na ed inkadang sat enyey Bentawan han surat ken Kadum-ayan. ย Nalawa-lawa nan payew da bangan sat kasin dinundon Kadum-ayan si Bentawan ta sumubli ken Madil-awan ta damagen na nu adu-ado nan gusi da santo ibagan Madil-awan ay adu nan gusi da sapay kanan Kadum-ayan ay men kasar da Bangan ken Gumatan.

Agew di kasar da Bangan ken Gumatan ed Salongdan et inalan Kadum-ayan nan gusi da ay kadaanan sanat enyey ed Salongdan sadat men inila ken aman Bangan ay si Madil-awan yat maila na metlang han dey da nenkapipintas ya kadaanan ay gusin Madil-awan et pirmi bain Gumatan nan inkan ama na ay si Kadum-ayan ngem uray et dampay nen asawa da ken Bangan ay kapipintasan ed Salongdan.

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s